English
Shqip
Në çdo kompani, organizate apo institucion, mijëra dokumenta të përfshira në proçese kritike shpërndahen përditë brenda dhe jashtë tyre. Duke filluar që nga kontrata, informacioni i klientëve, fatura, letra, e-maile, dosje elektronike, raporte deri tek përmbajtje web etj, ky volum i madh dokumentash krijon ishuj të pamenaxhuar informacioni.
Sistemi i Menaxhimit të dokumentave që Konsort ofron, është një zgjidhje që automatizon, dixhitalizon dhe qendërzon të gjitha format e dokumentave. Kjo teknologji i shërben të gjithë departamenteve të industrive ekzistuese duke ofruar zgjidhjen e duhur për përdorim efektiv të përmbajtjes (informacionit) që përfshin mbledhjen e të dhënave, konsolidimin, menaxhimin dhe shpërndarjen nëpërmjet një magazine të vetme ruajtje. Ky sistem përballon në menyrë të suksesshme një volum dokumentash gjithmonë në rritje.
Sistemi i Menaxhimit të Dokumentave ruan dhe ndjek gjithë ndryshimet e kryera mbi dokumenta nëpërmjet versionimit, në të njëjtën kohe ai skanon, klasifikon dhe indekson të gjithë materialet duke optimizuar kërkimin e dokumentave, duke ruajtur kohën e shpenzuar dhe punën e kryer. Me një organizim të tillë arkivimi i të dhënave dhe terheqja e tyre në një moment të caktuar kthehet në një punë të lehtë dhe efiçente. Ne ofrojmë ekspertizën tonë të gjerë në teknologjitë lider si IBM FileNet, Alfresco dhe Microsoft SharePoint. Sistemi i Menaxhimit te Dokumentave i jep jetë dhe dinamizëm përmbajtjes duke rritur efiçencën dhe duke ofruar avantazh mbi konkurencën. Sistemi është i aksesueshëm nëpërmjet web-it kudo dhe kurdo duke ofruar shtrirje të gjerë gjeografike dhe disponueshmëri të lartë.
Eksperienca që zotërojme me një gamë të gjerë industrish ka treguar se ky sistem mund të integrohet në menyrë të suksesshme me zgjidhjet që çdo biznes është duke perdorur aktualisht. Bizneset fitojnë avantazh në hapësirë dhe kohë, optimizim të kerkimit të dokumentave dhe shpërndarje të suksesshme dokumentash. Një sistem i tille rrit ndjeshëm efiçencën e mardhënieve mes punonjësve, klientëve dhe furnizueseve duke prekur gjithë hallkat e funksionimit të biznesit.
